Willem Tjerkstra’s thússide

Archive for the Skûtsjesilen category

admin

Fok fol koppen

Skûtsjesilen

Ut it skûtsje-argyf 2015

In fok is meastal brún of ljocht
en hinget foar de mêst
om skraal te farren of mei faasje
foar de wyn, want silen is ús nocht,
ek yn de rêst
mei hiel de skippersstaasje.

Image

In fok mei kleuren is unyk
en hinget foar de ear
fan skûtsjeskippers yn de prizen
fallen, koppen foar ’t publyk te kyk,
’t is kant en klear:
har stjer sil heger rize.

Dêr stiet de skilder* fan de fok
mei skippers foar de float
fan fjirtjin skûtsjes, fûl oan ’t knipen,
dûbelstaasje fan it heechste lok,
’t is board oan board,
’t ferskil leit yn de typen.

Image

* Anne Tjerkstra

admin

Ald Fryslân trou

Skûtsjesilen

Ut it skûtsje-argyf 2014

Image

De stoomfluit, twirjend oer de mar,
ferhelle fan âld Fryslân:
hoe’t de skûtsjes sylden foar de ear,
gefoel gie eartiids foar ferstân,
mar hjoed de dei net mear?

Image

De boeien binne net swart-wyt,
de wedstriid hat mear tinten,
want taktyk begjint al foar de start,
sa tusken alle konkurrinten
hold Doarp Grou de Panne koart.

Image

De konkurrinten sylden op
de boei oan, wylst de sjuery
each hie foar nij Fryslân op ‘e mar,
gjin oardiel jaan koe oer de fuery
op it dek, dy’t bearde bar.

Der waard ek nei de wedstriid beard
troch Fryske pommeranten
oer it kampioenskip fan Doarp Grou,
’t jûchhei kaam lûd fan alle kanten
mei gefoel, âld Fryslân trou.

Image

Archief

Zoeken

  • Categorie

  • Datum