Willem Tjerkstra’s thússide

Archive for the Skûtsjesilen category

admin

Rie fan Yang Ming

Skûtsjesilen

Ut it skûtsje-argyf 2015

Image

It hie wat fan de see
de moarns by ’t rizen fan de sinne,
in trijemêster op ‘e ree,
it soe hjoed samar kinne.

It wie de Snitser mar
dy’t moarns al blonk fan kleare wille,
de trijemêster nêst it far
wie op dit plak fersille.

In teken yn it ljocht
fan op ‘e romte skûtsjesile?
’t Mystearje hat de wierheid brocht,
dêr’t frjemden ek yn spilen.

Image

Want sjoch, dêr hast Yang Ming,
dy’t oer de see foer út in naasje
dêr’t lang al spile yang en yin,
hjoed goed foar ynspiraasje.

Wa’t earst noch fjirtjin wie,
liet konkurrinten sjen de spegel,
hy folge Sina’s wize rie,
ferfrjemde fan de regel.

Image

admin

Skûtsjegardes op Grou

Skûtsjesilen

Ut it skûtsje-argyf 2015

Image

Dêr leit de âlde garde,
bak- oan stjoerboard, nêstinoar,
de mêsten keal, it giet om sjen
hoe’t soannen sile oer de mar
fan pik de winst, dat fiert de fan.

Image

It leit him oan de twirren,
bakboard heech en stjoerboard leech,
de pompeblêden fiere feest,
gjin weach op mar en ie te dreech,
wa’t pûsters knipend heint, dy racet.

Sy wolle lekker lizze
mei it sicht op float en bier,
want fiere dogge se op Grou
en fierder skeelt it har gjin sier,
de jonge garde nimt it gau.

Image

Archief

Categorieën

Zoeken

  • Categorie

  • Datum