Willem Tjerkstra’s thússide

Archive for the Skûtsjesilen category

admin

Flaggen sûnder striid

Skûtsjesilen

Ut it skûtsje-argyf 2015

Image

It binne mêsten dy’t ûnthjitte
moarns by iere sinneskyn
dat hjoed it heve sil;
de mar is no noch stil,
mar sjoch, der komt wat wyn…
soe dy it sitte litte?

Image

It binne wolken dy’t net driuwe
middeis op it himelsk blau,
dus is ’t noch altyd stil,
wat yngiet tsjin de wil
fan skippers al yn tou,
dy’t hjoed ek striidber bliuwe.

It binne flaggen dy’t fertelle
dat de earste trije wûn
ha sûnder start en striid,
mar elkenien is bliid
mei ’t slepen yn it rûn…
De Jouwer hat it helle.

Image

admin

It brún fan de Fluezen

Skûtsjesilen

Ut it skûtsje-argyf 2015

Image

Se binne like brún as ’t seil
en lykje tsjokker as de mêst,
de tuorrebouten fan de Fluezen,
mar in skipper sjocht mear heil
yn skraler sile mei wat wyn,
it hinne wer is him wol bêst.

Image

De planken leine yn it reid
en wiene gaadlik foar in sit
foar beide bruorkes oan de Fluezen,
dy’t de striid net folle seit,
dus knipe se sigaren fyn,
lykas de tuorrebout ek hjit.

Sjedêr de reiden sûnder bout,
dan bliuwt allinnich oer it brún
fan fjirtjin seilen op ‘e Fluezen,
byld fan âlds dêr al fertroud,
’t ferline stekt de takomst yn,
foar ’t silersmoed skinkt soks fortún.

Image

Archieven

Zoeken

  • Categorie

  • Datum