Willem Tjerkstra’s thússide

Archive for the Skiednisbylden category

admin

Slach sûnder bloed

Skiednisbylden

fan ûnbekend*
fan ûnbekend**

In fuorge dêrst yn rinne kinst
om kûgels te ûntwiken,
fynst net yn see of oseaan;
’t giet yn de oarloch om de winst,
dan maalt men net om tûzen liken.

Matroazen dûke feilich mei
in ûnderseeër ûnder,
ûnsichtber om fûl ta te slaan;
it libben stiet dêrboppe faai,
yn ’t kriichsferrin net sa bysûnder.

Eleucher treft it minder goed
en hinget oer de side,
matroazen moatte ’t libben jaan,
al jouwe se it sûnder bloed-
ferjitten, kriich betsjut ek skiede.

* Foto ‘Dútske ûnderseeër’
** Foto ‘Dútske kruser Eleucher’

admin

Kazimir Malevitsj

Skiednisbylden

fan Kazimir Malevitsj*
fan Kazimir Malevitsj**



In keunstner ûnder boeren;
sa kreëarre Malevitsj:
in rjochte greppel tusken biten
waard in streek op ’t wite doek,
it gie fan grut nei lyts.

Soldaten tusken boeren,
op ’e flecht foar it geweld,
de djippe greppels om te iten,
skûlplak nei in rappe dûk…
wa hat de deaden teld?

In keunstner kin net stjoere
ek mar ien soldaat nei ’t front,
belibbet wol in swarte rite,
giet foarby oan krie en roek
en greppels fol mei stront.

Soldaten, mar ek hoeren
binne fjouwerkant dertsjin
dat swart wurdt oansjoen foar it wite
doek, in greppel is net smûk,
men praat geweld net skjin.

* Kazimir Malevitsj (1879-1935)
Skilderij ‘Selsportret’
Skilderij ‘Swart fjouwerkant’ (1915)

Archief

Zoeken

  • Categorie

  • Datum