Willem Tjerkstra’s thússide

Archive for the Skiednisbylden category

admin

Yn de nacht begjinne

Skiednisbylden

fan ûnbekend*
fan ûnbekend**

bernewurk-1

De mûle stiet wiid iepen,
de noas snúft elkenien deryn,
de eagen easkje berntsjes op
en achter harren knalt de swipe…
’t is út mei wyn en sinneskyn,
de lege mage gunt gjinien it sliepen.

Al yn de nacht begjinne,
heal yn de sûs nêst heit en broer,
it hantsje yn de grutte hân,
ferkâlden, juster is it skipe,
mar mem sei: ‘Moarn is ’t wol wer oer,
de moatst lykop mei al dy oaren rinne.’

De hiele dei itselde,
de hannen dogge no al sear,
de moarn is noch mar krekt begûn,
de baas spat fjoer en smookt in pipe,
de eagen prykje, ’t wol net mear…
wat wie it hast ek wer wat mem fertelde?

Ik moast mei oaren rinne,
lykop, dan wurd ik ek sa grut,
in brede mûle, platte noas,
de eagen ticht om lang te sliepen…
dy eagen, sa’t it letter wurdt?
Sjedêr, ik stean by oaren, sa’t wy binne.

bernewurk-2

* Cartoon ‘Berneslaven’

** Foto ‘Jonges nei it wurk’

admin

Oarloch om Atjeh

Skiednisbylden

fan ûnbekend*

Atjeh,
in lânskip as smaragd sa grien,
dêr’t stammen wize nei it blau,
dy harmony hat ieuwen al bestien,
nea kaam it, lykas letter, yn it nau.

Hâld see,
sa woe ’t koloniaal gesach,
kear al dy rôvers út Atjeh,
stjoer ’t leger nei de oarde fan smaragd,
de sultan sprekt it wolkom, hâldt him ree.

atjehoarloch

Mar nee,
de sultan hold him earst noch stil,
sadat it leger makke lûd,
wat wurke op Atjehers moed en wil,
de generaal koe swimme yn syn bloed.

Hoesee,
de oarloch duorre fjirtich jier,
fan wapenstilstân ta de striid,
it wie de muoite wurdich, wrachtich wier,
want alle rôvers rekken út ’e tiid.

Atjeh,
in lânskip as smaragd sa grien
en hûnderttûzen yn it read,
de nije tiid hat net sa lang bestien,
mar al dy deaden sei it letter neat.

* Foto ‘It útbrekken fan de Atjeh-oarloch’

Archieven

Zoeken

  • Categorie

  • Datum