Willem Tjerkstra’s thússide

Archive for the Skiednisbylden category

admin

Striid om Jeruzalem

Skiednisbylden
PDF Print E-mail
fan anonym*

Jeruzalem, de stêd fan David,
útsicht oer hiel Israel,
it fûnemint fan ’t Joadendom,
doe gie it by de hichte del,
de timpel plat en Sion yn de slom.

Image

Jeruzalem waard fan Mohammed,
foar syn lear it tredde stee,
nij op it âlde fûnemint
en op ‘e hichte de moskee,
in gouden útsicht op in wisse went.

Gjin minskebyld kaam op ‘e muorre,
want foar Allah wol sa goed
wie ’t geometryske patroan
yn kleuren oant de dei fan hjoed,
de stêd is lykwols wer fan Davids soan.

Image

* Koepelmoskee (klear yn 691)

admin

It boek fan Kells

Skiednisbylden
PDF Print E-mail
fan anonym*

Image

It boek fan Kells,
in bjusterbaarlik wûnder
fan in evangeeljeskrift
mei baren fan de wide see,
troch Kelten ieuwenlang befearn;
nea kaam dat weagjend boadskip ree,
mar ’t gie de tiid troch foar bysûnder.

It boek fan Kells,
Iona’s keunst, in eilân
yn de wylde Ierske See,
troch geasten ieuwenlang befearn;
Iona, plak fan ’t kleasterfolk,
it hie in skriuwend, stil bestean,
mei baren earjend harren Heilân.

It boek fan Kells,
dat foar de Noarman flechte,
heidensk folk, de baren oer
nei ’t lân fan ’t iere kristendom;
it boadskip dat it ús fertelt,
is altyd ûnderweis, dus kom
ek mei, oan ’t eigen stee net hechte.

Image
detail

* Troch muontsen makke bibelhânskrift,
dat telâne kaam yn it Ierske Kells
( sirka 800)

Archief

Zoeken

  • Categorie

  • Datum