december 10, 2021
fan Peter Paul Rubens*
Tomyris, keninginne
fan de Massageten,
kriichsfolk dat der wêze mocht,
wie like moedich as har leger,
fan foarst Kyros soe sy ’t winne.
Mar Kyros wûn de earste
slach, de Massageten
waarden dronken troch in list
en koene maklik deade wurde,
’t spiet Tomyris ’t aldermeaste…
… om Spargapises, finzen
nommen troch it leger
fan de fijân, dy’t himsels
tekoart die, troch har deade soan gie
mem Tomyris oer de grinzen…
… om har mei bloed te wreken,
neat wie har tefolle,
want de holle fan de foarst
kaam yn in skaal mei bloed telâne,
foar de fijân in faai teken.
* Peter Paul Rubens (1577-1640)
Skilderij ‘De holle fan Kyros
yn in skaal mei bloed’
december 3, 2021
fan ûnbekend*
Vespasianus wie de heit,
dy’t keizer waard yn Rome,
wylst hysels de striid oangie
mei Joaden dy’t yn opstân kamen,
striid dy’t goed foar syn imago wie.
Jeruzalem naam Titus yn,
de haadstêd mei de timpel,
dy’t syn leger plondere
en gau dêrnei yn fjoer en flam stie,
de timpel troch de Joad bewûndere.
It wie de fraach wa’t keizer waard,
want dûbel wie ’t imago
fan de soan, dy’t wûn de striid,
ferlear mei orgyen syn oansjen…
dochs joech Titus ’t lân in rike tiid.
Byld ‘Keizer Titus’