Willem Tjerkstra’s thússide

Archive for the Mytebylden category

admin

Artemisia fan Karië

Mytebylden

fan ûnbekend*

In frou kin wol allinnich stride
as de moed har net ûntbrekt,
it libben om har ynset freget…
sy docht gjin stap fansiden.

Lit Artemisia mar rinne,
jong al widdo, mar direkt
naam sy ’t regear waar foar har soantsje,
sa stie hy net allinne.

Mar kaam hy boppe bernejierren,
Artemisia bleau oan,
beskôge him noch as har mantsje,
sa wie sy net beswierre.

Lit Artemisia mar farre,
kommandante fan har float,
fiif skippen tsjin dy fan de Griken,
sy hat har moed net sparre.

Foarst Xerxes fûn de manlju frouwen,
Artemisia oan board
wie man, dy’t meifocht mei de Perzen,
te manlik om te trouwen.

* Skilderij ‘Artemisia I fan Karië’

admin

Artemis

Mytebylden

fan ûnbekend*



Artemis,
as jongste op Olympus
doarmest om yn de natoer,
goadinne bist fan wylde bisten,
mar har dea giesto ek oer.

Artemis,
alert bist en ek rimpen
yn dyn hanneling op jacht,
se binne dea foar’t se it witte,
kinne net oer dizze macht.

Artemis,
mei twalingbroer Apollo
hast reus Tityos ferslein,
dy’t fûl bedrige jim mem Leto,
bluodrich kaam er oan syn ein.

Artemis,
do soargest mei dyn wapen
faakris foar in sêfte dea,
sa lietsto oan de takomst witte:
libbensein komt sûnder skea.

* Byld ‘Artemis’

Archief

Zoeken

  • Categorie

  • Datum