Willem Tjerkstra’s thússide

Archive for the Lyrysk Deiboek category

admin

Dwêst fjoer

Lyrysk Deiboek
PDF Print E-mail
Nei oanlieding fan in optreden fan
Marco Borsato yn Gelredome

Image

Se fytse wer nei skoalle ta
yn ’t ritme fan de dei,
de tryste kleuren fan har klean
fertelle: it hat west.

Ekstase yn it read wie bêst
genôch om foar te gean,
se songen de religy nei
dat massa’s libje sa.

Se sille no gjin kar mear ha
as yn de rige mei,
beklaaid mei ’t read dat bliuwt bestean:
de strúk, it fjoer is dwêst.

Image

admin

Sterk

Lyrysk Deiboek
PDF Print E-mail
Image

Sterk as getten yn beton
stie er op syn eigen daam,
wis dat libbenswaar en -wyn
syn behurde lea net fan
’t fuotstik stjitte soe, ien raam
en hy lei sawat deryn.

No leit er tusken daam en sleat
yn ûnmacht ûnder ’t tsjuster swurk
en suchtsjend oer de swiere lêst
fan ’t hurde, op ‘e kop ferkeard;
ien lichemsdiel docht noch syn wurk,
de sterke senuw hâldt him fêst.

Image

Archieven

Zoeken

  • Categorie

  • Datum