Willem Tjerkstra’s thússide

Archive for the Lyrysk Deiboek category

admin

Elisabeth

Lyrysk Deiboek
PDF Print E-mail
Elisabeth hat moannenlang
de grêft mei hege ljochten sierd,
no leit se skurf en leech yn rang
foar wa’t op har beweging biedt.

De oare kant lit him ek sjen
en konkurearret breed en heech,
komt yn beweging nei it sin
fan hert en holle, ear en each.

Wat heftich is, wurdt gau wer wei,
Elisabeth biedt simmerlang
har tsjinsten oan; wa’t wol fart mei,
want wetter wit fan ras noch rang.

Image

admin

Myn goede freon

Lyrysk Deiboek
PDF Print E-mail
De Aldegeaster tsjerke
stiet yn twafâld,
kant de toer en lang it skip,
al âld en stiif, mar noch de sterke.

Image

Myn goede freon, as jonge
hasto boarte
ûnder ’t lieden fan de klok,
miskien in berneferske songen.

It tsjerkeskip feroare
yn it farren
frij fan koers nei fiere kym,
optillend klear as nea tefoaren.

En op ‘e see fan tinzen
fûnsto wurden,
sprekkend ek dyn eigen taal
fan op ‘e kâlde grûn de grinzen:

Image

Boppe de krunen fan de keale beammen
sjoch ik yn de wolken syn byld
de grûn is stiif en kâld
hy wie noch net sa âld
en woe noch graach
wat libbensjierren ha.
Syn byld driuwt
yn de wolken fuort.
De sinne kipet troch it wolketek
knypeagjend, ferwaarmjend,
mar de grûn bliuwt stiif en kâld.
Hy wie noch net sa âld.

Myn goede freon, noch tiden
sil it lieden
fan de Aldegeaster klok
fertelle fan dyn moedich striden.

Image

Archieven

Zoeken

  • Categorie

  • Datum