Archive for the Lyrysk Deiboek category

It hynder lit ek sjen
dat memmeskonken
binne it model
foar ’t fôltsje njonken
har, sa fel oan fel.

Mar yn it wetter kin
de pyk fan kobben
daliks al yn ’t spier,
hoe grut de dobbe
is, it rêdt him ier.

Tusken Snits en Snitser mar
leit Galgelân
sa fredich nêst de Houkesleat,
in folle greide, giel en read
fan blommen,
foar it fûgelark de kar!

Op ‘e deade hoeke fan
it Galgelân
stie ieuwen lyn in hege peal
yn keale greide, fier en feal,
mei galge
foar de godferlitten man.

Dêr’t befoer de pream of skou
it Galgelân,
stiet no in beamke by in bank
as oantins en wa wit as tank
mei blommen
fan de greide foar in frou.