Willem Tjerkstra’s thússide

Archive for the Lyrysk Deiboek category

admin

Geniaal monumint

Lyrysk Deiboek


Mei freonen fleach er yn formaasje
mei de krekte ôfstân fan elkoar
op oantrún fan de genen,
har ynwindich ynstrumint,
sa wiene sy it wend.

Se fleagen mei deselde faasje,
snetteren yn koar, ek lykas oars,
dêr koe it net oan lizze,
hoe’t it kaam, waard nea bekend,
it gie sa’t it soms rint.

Men gie earst út fan de sensaasje
fan in puber mei syn gekke kop,
mar doe’t se him dêr lizzen
seagen, wie ’t in flinke fint,
in deade waard bemind.

Sa rekke hy yn hege graasje,
heger noch as hy yn ’t libben fleach,
wat lei him oan syn genen,
it perfekte ynstrumint,
dêrom syn monumint.

admin

Blautong

Lyrysk Deiboek


Op harren kaam de kym griis oer,
it lot trof elk, stokâld of jong,
twa stiene noch op poaten,
ien hie de ein al yn de bek…
blautong.

De wittenskip kaam sniewyt oer:
de wite reagers yn totaal
sa’n fyftich, heech op poaten,
foar oerlis oer ’t faksin, mar dat
ferhaal…

… kaam net sa maklik oan de ein
mei hjir in kikkert, dêr in mûs,
twa fan wol hûndert soarten,
’t bleau net by trije… deaden by
de rûs.


Archieven

Zoeken

  • Categorie

  • Datum