Willem Tjerkstra’s thússide

Archive for the Keunst category

admin

Et in Arcadia ego

Keunst
PDF Print E-mail
fan Nicolas Poussin*

Image

De hoeders fan Vergilius,
sy sprieken yn syn glânsgedichten
fan it lân Arkadië,
idyllysk as in paradys
mei inkeld rjochten en gjin plichten.

De trije hoeders mei de stêf
en stôk en ek de hoederinne
út it lân Arkadië,
sy kamen by in glânzjend grêf,
dêrboppe wolken foar de sinne.

De hoeders bûgden doe foaroer
om op ‘e stien de tekst te lêzen:
‘Yn it lân Arkadië
ha ‘k ek ea libbe’, ’t waard in toer
om hoeder sûnder plicht te wêzen.

* Nicolas Poussin (1594-1665),
in Frânske skilder-filosoof,
stribbe dernei de Grykske
en Romeinske idealen
yn syn wurk op te nimmen.

admin

Petrus en Paulus

Keunst
PDF Print E-mail
fan Rembrandt van Rijn*

Image

Hy wie doe seisentweintich,
seach troch âlde manlju hinne,
lei dy fêst yn streek en kleur
sa’t folle grize koppen binne,
swier fan tinken, gjin geseur.

De smelle kop fan Paulus
bûcht foaroer, net om de siele
bleat te jaan oan wa’t dêr sit,
mar om folút te redendielen,
om’t er Kristus’ skiednis wit.

De keale krún fan Petrus,
klear om daliks op te spatten
foar in libbenswier replyk,
fertelt de soarch fan hillich moatten,
want mei Kristus gjin ûntwyk.

Mar beide ha foar hannen
skreaune wurden om te dielen,
’t iene part foar Paulus’ brein,
it oare diel foar Petrus’ fielen,
dêrmei is dan alles sein.

* Rembrandt van Rijn (1606-1669),
skilder fan it ljocht,
wist op sprekkende wize
de âlderdom út te byldzjen
op it doek mei de namme
‘Twa disputearjende âlde manlju’.

Archieven

Zoeken

  • Categorie

  • Datum