Willem Tjerkstra’s thússide

Archive for the Keunst category

admin

Le Pardon

Keunst
PDF Print E-mail
fan Honoré Daumier*

Image

Oan ’t krús, dêr hinget Hy al jierren
boppe folle hollen fan it rjocht
fan dy’t it yn de steat te sizzen ha,
har eigen Kristus dy’t hjir iepenbierret
wat justysje sels al ieuwen tocht.

Dêr sit er dan mei bûgde holle
yn de bank, in wachter njonken him,
want neffens wet en oarder heart it sa;
de lege mage waard him wat tefolle,
Jezus, watfoar soadsje binne jim!

De finger rjocht, sa wiist er alle
sittings as in master advokaat,
want op ‘e earmtakhichte moat it ta:
‘Sjoch Jezus Kristus, neat wie him tefolle,
sûnders fine by syn krúsdea baat.’

* Honoré Daumier (1808-1879)
is it bekendst wurden troch syn karikatueren,
dêr’t er ek foar yn de finzenis sitten hat.
Yn it Frânske roomsk-katolike keninkryk
wie hy ateistysk republikein.

admin

Doop yn Lausanne

Keunst
PDF Print E-mail
fan Matthijs Maris*

Image

It hat krekt west, it sakremint,
it wetter út ‘e grutte hân
dat dripte op ‘e lytse holle;
’t hie derfan as wie se ’t wend,
ien koarte kik, gjin moard of brân,
mar ’t waard de mem in hoart tefolle.

Dêr stiet se as fersonken yn
de bylden fan de libbensstream,
dêr’t alle bern trochhinne moatte
om te driuwen op ‘e wyn;
foar ’t famke is ’t har memmedream,
sjoch hoe’t se mei de fingers boartet.

En wylst sy steane yn ’t portaal,
giet beppe by de treppen del,
want har bestean leit yn Lausanne;
heech riist op de katedraal,
fan klokken wurdt se wolris kjel,
’t genot kaam út ‘e kik fan Sanne.

* Matthijs Maris (1839-1917)
wie de middelste fan trije skilderjende broers.
Hy hat jierrenlang wenne yn Parys en Londen.
Yn de lêste stêd hied er in iensum libben.
Hy mong yn dy tiid dream en werklikheid
noch mear as yn ‘Doopgong te Lausanne’.

Archieven

Zoeken

  • Categorie

  • Datum