Willem Tjerkstra’s thússide

Archive for the Bibelbylden category

admin

Yn de skoalle fan Tyrannus

Bibelbylden

fan ûnbekend*

Myn skoalle learde earst it wize wurd
fan Grykske filosofen,
dêr’t it minskdom ’t meast oan hie,
sa tochten wy hjir yn Efeze
oant Paulus kaam mei wizer rie.

Hy hie gjin skoalle, mar allinnich ’t wurd
fan Kristus liet er hearre,
doopte dêrnei mei de Geast
yn plak fan wetter sa’t Jehannes
die; Paulus’ doop sei ús it meast.

Us spriek de Geast sa oan dat ek ús wurd
wie lykas fan profeten,
oars as ’t filosofepraat;
doe frege ’k Paulus yn myn skoalle,
dêr’t alle dagen sprutsen waard.

* Foto ‘Skoalle fan Tyrannus yn Efeze’

admin

Apollos fan Alexandrië

Bibelbylden

fan ûnbekend*



As gelearde stean ik goed bekend,
wat lang net alles seit:
ik moast as Joad oer grinzen hinne
om mei Kristus op te tsjen,
fan hearren sizzen learde ik him kennen.

Oan joadske wetten bin ik wend,
gjin kwea wurd oer dy lear,
mar Kristus’ libben hat my rekke,
libje om foarút te sjen,
hoewol… men moat net mei ’t ferline brekke.

Kristus’ libben, my net goed bekend,
kriich ik fan oaren troch,
’k ha alles my fertelle litten,
lykas wie ik noch in bern,
gelearden kinne ek net alles witte.

Hoe’t it libben foar my fierder rint?
As kristen gean ik troch,
dat ek de Joaden derfan witte.

* Foto ‘Alexandrië’

 

Archief

Zoeken

  • Categorie

  • Datum