Willem Tjerkstra’s thússide

Archive for the Bibelbylden category

admin

Alle Makkabeeërs wei

Bibelbylden

fan ûnbekend*

Fiif soannen hie Mattatias:
Jehannes, ek wol Gaddy neamd,
Simon mei de namme Tassis,
Judas Makkabeeër,
Eléazar neamden se ek Avaran
en Jonatan dy’t ek wol Affus hiet.

Fiif soannen kamen yn ferset
tsjin ’t goare heidendom,
sy holden har oan Mozes’ wet,
behellen foar de Joaden rom.

De fijân brocht de soannen om,
earst fjouwer yn de striid,
wat rjocht wie, bûgde dêrmei krom,
allinnich Simon kriich noch tiid.

Hy boude earst in monumint
foar heit en mem en broers,
sa bleauwen deaden noch bekend,
foar Simon wie it rjocht de koers.

Ferried sloech ta, hy rekke dea
as lêste fan it skaai,
de tiding rûn troch hiel it gea:
de Makkabeeërs binne wei.

* Ofbylding ‘Simon de Makkabeeër’

admin

Jonatans liederskip

Bibelbylden

fan Gustave Doré*

Nei Judas kaam de tiid werom
fan heidendom en hongersneed,
de eigenheid gie yn de ban,
de rop klonk yn de heechste need
om liederskip: broer Jonatan!

Mei Jonatan waard der wer boud
oan timpel en Jeruzalem,
de eigenheid kaam doe werom;
as hegepryster kriich er stim,
as moedich generaal de rom.

It gie wer op in fjochtsjen oan
tsjin hynders yn in laffe leach,
in striid dy’t duorre oant de jûn,
it waard foar ’t hynstefolk in pleach,
foar Jonatan de ear, hy wûn.

It rûn mei Jonatan doe troch,
want ôfgod Dagon liet him sjen,
syn timpel moast noch yn de ban,
yn fjoer en flam gie dy ferlern
troch ’t liederskip fan Jonatan.

* Gustave Doré (1833-1883)
Yllustraasje ‘Jonatan ferwoastet
de timpel fan Dagon’

Archieven

Zoeken

  • Categorie

  • Datum