Willem Tjerkstra’s thússide

Archive for the Bibelbylden category

admin

Gjin antwurd oer it erfskip

Bibelbylden

fan Jan Luyken*

Jawis, ik ha him master neamd,
omdat syn sprekken my wat die,
op him koe ik wol bouwe,
mar mis, ik kriich gjin wize rie,
beskamme hat er myn fertrouwen.

Nee wier, it wie gjin drege fraach:
oer ’t erfskip fan myn broer en my,
hy woe ’t net mei my diele;
syn antwurd kin ik noch net by:
woe ik dat hy foar rjochter spile?

Wy moasten harkje nei ’t ferhaal
oer ien mei jild, dy’t riker waard,
ferlet kriich fan mear skuorren,
mar hie er by dy romte baat?
Syn rykdom hat net langer duorre.

Bin ik dy rike mei syn jild?
Lykas myn broer ha ik dochs rjocht
op ’t erfskip fan myn âlden?
’t Ferhaal hat net it antwurd brocht,
wêrom sil ik it dan ûnthâlde?

Nee wier, it giet my net om ’t jild,
ik fiel my troch myn broer bekocht.

* Jan Luyken (1649-1712)
Ets ‘Gelikenis fan de rike dwaas’

 

admin

Bange learling

Bibelbylden

fan ûnbekend*



As learling hat men it net maklik,
want Jezus’ lessen binne dreech,
jim meie it wol earlik witte
dat ik bang wie en dat sit my heech.

De Fariseeërs ha ’t wol maklik,
sy binne machtiger as ús,
it driigjen kinne sy net litte,
dus wy fiele ús by har net thús.

Ik ha it net mear goed ûntholden
wat Jezus allegearre sei:
wy hoegden net benaud te wêzen,
wol foar God, dat brocht de hel ek mei.

Ynienen prate hy oer mosken,
gjin mosk wie ommers bang foar God
of… waard gjin mosk troch God fergetten?
Better as fan mosken wie ús lot.

As learling wurdst faaks ûnderfrege,
omdatst fan Jezus lessen learst
dy’t yngean tsjin bekende wetten,
dochs, seit hy, krijst stipe fan de Geast.

* Yllustraasje ‘Jezus oan it lesjaan’

 

Archieven

Zoeken

  • Categorie

  • Datum