Willem Tjerkstra’s thússide

Archive for the Bibelbylden category

admin

Laam op Sion

Bibelbylden

fan ûnbekend*

It Laam seach ik op Sion stean
mei tolve kear wol tolvetûzen
minsken mei syn namme,
ek dy fan de Heit,
foar har ’t fertsjinne lean.
Doe hearde ik it lûd
fan wetterfloeden, ek fan tonger,
’t wie gjin fêststeand feit,
omdat it klonk as harpespyljen.
De tolve kear wol tolvetûzen
songen ’t liet dat net te learen wie,
foar fjouwer wêzens en de âldsten,
’t gie mei ynmoed, dat it har wat die.
De tolve kear wol tolvetûzen,
sûnder lek of brek,
wiene frijkocht troch it Laam,
dat noed foar harren stie.

* Yllustraasje ‘It Laam en de mannichte’

admin

Ierdebeest

Bibelbylden

fan ûnbekend*

In twadde beest kaam foar it ljocht,
diskear út ’e ierde wei,
in beest dat minsken derta brocht
om ’t seebeest te oanbidden,
boppedat mei wûndertekens
minsken yn betizing bringt,
bepraat om yn har midden
in byld te meitsjen fan it beest
dat út ’e see opkommen is,
in libben byld, dat praat en winkt
om him de ear te bringen;
fan dat byld krijt elkenien
in merk op hân en holle,
want dan is it beest der wis
fan dat syn namme of getal
as teken tsjinnet fan syn macht,
foar him is ’t folle
net genôch: 666.

Yllustraasje ‘Beest út ’e ierde’

Archief

Zoeken

  • Categorie

  • Datum