Willem Tjerkstra’s thússide

Archive for the Bibelbylden category

admin

Apollos fan Alexandrië

Bibelbylden

fan ûnbekend*



As gelearde stean ik goed bekend,
wat lang net alles seit:
ik moast as Joad oer grinzen hinne
om mei Kristus op te tsjen,
fan hearren sizzen learde ik him kennen.

Oan joadske wetten bin ik wend,
gjin kwea wurd oer dy lear,
mar Kristus’ libben hat my rekke,
libje om foarút te sjen,
hoewol… men moat net mei ’t ferline brekke.

Kristus’ libben, my net goed bekend,
kriich ik fan oaren troch,
’k ha alles my fertelle litten,
lykas wie ik noch in bern,
gelearden kinne ek net alles witte.

Hoe’t it libben foar my fierder rint?
As kristen gean ik troch,
dat ek de Joaden derfan witte.

* Foto ‘Alexandrië’

 

admin

Utspraak fan Gallio

Bibelbylden

fan ûnbekend*

As gûverneur moat ik it dwaan
mei ’t wetboek fan ’t Romeinske ryk,
dy wetten ha ik yn de holle,
wa’t dy hâldt, jou ik gelyk.

Hjoed kamen Joaden foar ’t gerjocht
mei ien dy’t yngie tsjin har wet
troch earetsjinsten yn te stellen,
mar in misdie is soks net.

Dy Paulus, want sa hjit de man,
is sels in Joad, sa kaam derút,
syn wet wie net alhiel itselde,
mar ’t Romeinske rjocht beslút.

Ik, Gallio, sil útspraak dwaan:
jim wurd striidt tsjin it oare wurd
en moatte mei ’t ferskil mar rêde,
foar ús ryk hat soks gjin nut.

Skilderij ‘Apostel Paulus’

Archieven

Zoeken

  • Categorie

  • Datum