Willem Tjerkstra’s thússide

Archive for the Bibelbylden category

admin

Brief oan de Korintiërs 7

Bibelbylden

fan ûnbekend*

It lichem sprekt my oan
as byld fan de gemeente,
beide binne ien gehiel,
ferlykber mei Gods Soan.

It lichem as gehiel
bestiet wol út gâns lidden,
hân en foet en each en ear,
se binne ûnderdiel.

It each stjoert hân en foet,
sadat dy krekt bewege,
sûnder holle komme hân
en foet yn grutte noed.

As ien lid lijt, dan is
it sa dat alle lidden
lije; krijt in lid de ear,
is blidens rûnom wis.

It lichem as gehiel
kin ek foar jimme sprekke,
want elk lid docht trou syn plicht,
wat fuortkomt út ’e siel.

Yllustraasje ‘In protte lidden, ien lichem’

 

admin

Brief oan de Korintiërs 6

Bibelbylden

fan ûnbekend*



Jim moatte witte, bêste minsken,
gjinien is oan in oar gelyk,
jim hawwe eigen jeften krigen,
yn de geast is elkenien dus ryk.

Dy rykdom leit net oan de minske,
de Geast komt yn him oan it ljocht,
dat ljocht begjint dan út te strieljen
as dy minske nei syn jefte docht.

De iene sprekt in wurd fan wiisheid,
in oare wurdt de kennis jûn,
in treddenien blinkt út yn leauwe,
alle trije binne geastlik sûn.

De iene makket siken better,
wer oaren kinne wûnders dwaan,
der binne ek dy’t profetearje…
soe de Geast dy jeften dan net jaan?

De iene ûnderskiedt de geasten,
in oare sprekt mear talen goed
of kin de talen krekt útlizze,
wit, de Geast stiet foar de jeften noed.

* Foto ‘Jefte troch de Geast’

 

Archieven

Zoeken

  • Categorie

  • Datum