Willem Tjerkstra’s thússide

Archive for the Bibelbylden category

admin

Brief oan Timoteüs 8

Bibelbylden

fan ûnbekend*

Do bringst, Timoteüs, de wiere lear
fan ús ferrizenis as Kristus komt,
mar oaren wolle ha, it hoecht net mear,
’t ferrizen hat al west.

Mij strideraasje, ’t hat gjin doel
om tsjin de sike stellings yn te gean,
ferfretten wurdt har lear, dy kankerboel
is foar ús heil de pest.

Wy binne ’t goud- en sulverguod
as ’t dwaan en litten sprekken lije kin,
ús âlde libben, hout en stien, is fuort,
sa hat it ienkear west.

Wês alle kearen blinkend skjin,
dan bist in tsjûgjend tsjinstfeint fan de Hear,
joust oan de dwerse sprekkers rjochtút sin
tsjin duvelsk pleit en pest.

* Glês-yn-lead ‘Michaël deadet satan’

admin

Brief oan Timoteüs 7

Bibelbylden

fan Rembrandt*

Op ’e nij in brief, myn leave jonge,
de twadde dy’t ik oan dy stjoer,
diskear yn finzenskip út Rome wei,
my tinkt it lijen is gau oer.

Net dat ik my foar it lijen skamje,
ik hâld betrouwen yn de Hear
en wachtsje rêstich op ’e grutte dei,
wylst ik de drege tiid fernear.

Lit it fjoer fan Gods genede brâne,
syn Geast jout krêft om dat te dwaan,
al stiet dyn libben troch ’t bliid boadskip faai,
do silst it oan de harkers jaan.

Lit de bylden foar harsels mar sprekke:
fan Kristus bist in goed soldaat,
nim foar in priis de regels wol yn acht,
de boer hat fan syn wurkjen baat.

As wy mei Jezus Kristus stjerre,
dan libje wy tenei mei Him
as keningen, want Hy bliuwt ivich trou,
ek as negearje wy syn stim.

* Rembrandt (1606-1669)
Skilderij ‘Paulus skriuwt brieven yn de finzenis’

Archieven

Zoeken

  • Categorie

  • Datum