Willem Tjerkstra’s thússide
admin

Wurden yn stien

Bibelbylden
PDF Print E-mail
fan Rafaëls rûnte*
Al trije moannen ha se rûn,
net langer ûnder ’t slavejok,
mar frij om fier te gean,
de kneppel waard in gongelstok,
ynienen bliuwt dy stean.

In berch riist as in teken op:
net fierder, want hjir giet it oan,
sjoch Mozes yn de klim
fier boppe ’t folk, hy wit it skoan,
de Iene ropt hjoed him.

Nei trije dagen skokt de grûn,
de wjerljocht flitst, de tonger beart,
de Iene ropt hjoed sa,
wol dat it folk de Wurden leart,
Hy komt op Mozes ta.

De Iene sprekt fan ien oant tsien
op stien, en rikt dy Mozes oan,
op elke earm komt ien,
de reek lûkt op, der klinkt in hoarn,
it oangean is no dien.

Image

* Rûnte om Rafaël hinne (begjin sechtjinde ieu)
Fresko yn de Fatikaanske loggia’s

Related Posts

Archief

Zoeken

  • Categorie

  • Datum