Willem Tjerkstra’s thússide
admin

Judas’ fisy op jild

Bibelbylden

fan Louis Emile Manche*

Jezus moat fan jild net folle ha,
want hy wit amper fan de wearde
fan in sint, lit stean fan in kaptaal;
’k sjoch noch hoe’t hy de tafels kearde,
nee, hy gie mei ’t jild net oan de haal,
mar woe ’t perfoarst net yn de timpel ha, no sa…

Hjoed belibben wy wer wat mei jild,
it wie flakby de offerkiste,
dêr’t it folk it offerjild yn die;
dêr siet er sûnder dat wy wisten
oft er wer wat mei it jild foar hie,
mar nee, hy hat him oan de kiste net fertild.

Efkes letter die er syn ferhaal:
it koperjild wie net bysûnder,
’t goudstik fan de riken likemin,
mar fan de widdo wie ’t in wûnder,
want har sint joech oan it offer sin…
mar ja, hy sprekt mei inkeld sinten net myn taal.

* Louis Emile Manche (1908-1982)
Glês-yn-lead ‘It pinninkje fan de widdo’

Related Posts

Archief

Zoeken

  • Categorie

  • Datum