Hjir hingje ik, ferjamme

fan Rembrandt*

Foar neat ha ik my skamme,
wêrom soe ’k dat ek,
ik moast de tiid trochkomme
en dan is neat te gek,
mar sjoch… hjir hingje ik, ferjamme!

Wy hingje mei ús trijen
om hjoed dea te gean,
hjirnêst giet troch foar fromme,
ik ha ’t op him net stean…
dy Kristus soe de wrâld befrije.

‘Binne jo de Kristus net?
Rêd josels en ús derby,
oars is it aanst te let!’

Ferrek, wat seit dy fierste,
dat ’k om God net jou
en dizze straf fertsjinje?
Dy gek hat grif berou,
wol krije wat er niis noch miste.

* Rembrandt (1606-1669)
Ets ‘Jezus krusige tusken twa misdiedigers’