Fisioen fan de minskesoan

fan ûnbekend*

It barde op it eilân Patmos:
in stim sa lûd as in trompet
klonk my ynienen yn de earen:
‘Watst sjochst, skriuw dat oan sân gemeenten
om har oer Kristus mear te learen.’

Sân kandlers kamen my foar eagen,
dêrtusken stie de minskesoan
mei yn de rjochterhân sân stjerren
as ingels fan de sân gemeenten,
sa waard my Kristus iepenbiere.

Ik foel as dea Him foar de fuotten
en fielde waarm syn rjochterhân:
‘Ik bin de Earste en de Lêste
en ha fan ’t deaderyk de kaaien,
skriuw ’t op, want earder silst net rêste.’

* Yllustraasje ‘Kristus tusken sân gouden kandlers’