Ferslach fan Paulus

fan Jan Luycken*

Gjin noed ha ’k hân oer wûnen
troch de stiennen op ’e lea,
dy binne no wer ticht;
yn Lystra hawwe Joaden smiten,
efkes lei ik dêr foar dea.

Ik kaam oerein, wy reizgen
fierder, doe de wei werom
en tsjûgen wer fan sicht
op ’t ryk fan God; yn alle kriten
waard foar elk it útsicht rom.

Wy foeren oer de weagen
fan de see wer nei it stee
fan ús begjin, de plicht
om foar it leauwe út te kommen:
ja foar God, tsjin goaden nee.

Sa waard it sicht ferromme;
nettsjinsteande wurge lea
foel elke stap ús licht.

* Jan Luyken (1649-1712)
Yllustraasje ‘Paulus en Barnabas yn Lystra’