Willem Tjerkstra’s thússide
admin

Brief oan Timoteüs 2

Bibelbylden

fan ûnbekend*

Do hast fan my it boadskip krigen
oer de lospriis fan ús Hear,
dat wy beholden wurde,
dêrmei bist noch net klear,
it komt ek oan op dwaan en bidde.

In man sil net mei rúzje drige,
hat gjin grime as er bidt,
hy moat syn hannen heevje
en witte hoe’t it sit
mei ’t eigen suver dwaan en litten.

In frou bliuwt dimmen, mei net stige
boppe manlju út, sy heart
allinnich ta te harkjen;
har gouden sier bedjert
it bidden, froulju kinne ’t witte.

Mar Paulus, beide binne skepen
as lykweardich op elk mêd;
de man kin it net litte
de frou te hearren rêd
mei ’t wurd en fierder… lit mar sitte.

* Yllustraasje ‘Frou mei sieraden’
Part fan it Fausta-fresko yn Trier

Related Posts

Archieven

Zoeken

  • Categorie

  • Datum