Brief oan de Tessalonikers 1

fan ûnbekend*

Earst krijt God fan ús de eare
dat jim leauwe mei it hiele hert
en dêr dan ek nei dogge
troch de leafde foar elkoar,
fêst stiet jim hope op de Heare.

Hiel de krite wit fan jimme
leauwe, hat fan leafde ek ferlet,
dy’t sy by jimme sjogge,
Kristus libbe ús dy foar,
de krite heart Him troch jim stimmen.

Troch ús klonk syn boadskip hinne
nei jim ta, oprjocht, mei hiel ús hert,
gjin sprake fan it pochen
oer ússels, ’t wie foar elkoar
doe’t elk begûn oan hoop te winnen.

* Foto ‘Eptapyrgio toer yn Tessaloniky’