Willem Tjerkstra’s thússide
admin

Dronken hoer

Bibelbylden

fan ûnbekend*

Ien fan de ingels spriek my oan
oer ’t reade beest mei op ’e rêch
in frou yn poarper en skarlekken,
dy’t mei goud behongen wie,
’t bestean as hoer foldie har skoan.

In beker hie sy yn de hân,
fol mei har eigen huorkerij,
sy dronk en wie doe dronken rekke
troch it bloed fan hilligen,
it gie fier boppe myn ferstân.

Dus lei de ingel it my út:
it beest wie it Romeinske ryk,
dan stie de dronken hoer foar Rome,
dy’t smoardronken wie fan ’t bloed,
har ûndergong kaam ta beslút.

* Yllustraasje ‘De hoer op it beest’

Related Posts

Archief

Zoeken

  • Categorie

  • Datum