Willem Tjerkstra’s thússide

Posted by admin

admin

Untfierde soan

Lyrysk Deiboek
PDF Print E-mail
Image

Ik seach him by ’t stasjon
as net om oan te sjen,
de grize gie my oer de grouwe,
hy stoarre nei ’t perron,
it wie de ‘iron man’.

Hy liet my mar net los
doe’t ik oer ’t strúkpaad rûn,
wol swier om ’t izer mei te sjouwen;
ynienen op ‘e grûn
wat spullen sûnder tas.

Image

In flesse, broek en skoech,
net foar de ‘iron man’
in bút om izer mei te smeien
of socht er om in fan
dy’t him op hannen droech?

‘k Fertroude ’t spultsje net,
want earder wie ’t oarsom,
it izer koe de fan wol drage;
grif lei it rjocht hjir krom,
wêr wie de wisse wet?

De motor kaam deroan,
de rider bûgde him
en sei: ‘Se hawwe hjiroer klage,
wat kleanspul, grif foar gym
of is it fan jo soan?’

Image

admin

Pyk-ADHD

Lyrysk Deiboek
PDF Print E-mail
It wie ferline jier in drama
foar de mem dy’t alle bern ferlear
oan ’t ûnderwetterryk;
se woe perfoarst net noch in kear
in libben oan de dea gelyk.

Image

Se fûn in koer tichtby in planke
dy’t al surfde yn it einebrein
as eilân út ‘e wei;
se hat doe tolve aaien lein,
nij libben, mar de dea benei.

Image

De koer is yn it wetter sakke,
wat traumatysk wie foar pyk út aai,
net mear foar sizzen ree;
de planke like fierste saai,
it lei him oan ADHD.

It jonge spul wie net te hâlden,
want der wie gjin pikeritalin
yn ’t boppewetterryk;
wat hie foar mem it noch foar sin,
in libben oan de dea gelyk?

Image

Archieven

Zoeken

  • Categorie

  • Datum