Posted by admin

De koppen komme kreas derop
en Ivo Niehe sil it dwaan
foar National Geografic,
elk skip sil op ‘e tromme slaan,
de flagge fljocht yn top.

Foar kreaze koppen is gjin sint,
reklame moat de trochslaan jaan
fynt National Geografic,
it is mei bylden wol te dwaan,
want wrâldwiid wurdt de hint…

… om nei it skûtsjesilen ta,
fan bylden nei de werklikheid
sa’t National Geografic
wol hawwe wol, it is in feit
dat Fryslân fynt: ‘No sa!’

De âlde griene soe wer sile
op Langwar, it wie in set al lyn,
mei sicht op ’t wetter en de hichte;
der stie lykwols tefolle wyn,
dus waard wat heve soe, net spile.

De âlde griene sil wer blinke
foar Langwar, al is it foar de show
em moat de skipper ’t seil rap strike,
it wurdt in saak fan hjir en no,
earst tinke en dan tsien kear winke.

Hoesa op ’t wetter konsternaasje
troch in botsing fan ballon en mêst?
De fleugel is de rjochtingwizer,
it kleure doek skoot kreas dernêst…
de graasje fan in demonstraasje.