Willem Tjerkstra’s thússide

Posted by admin

admin

Wat it wol wie

Lyrysk Deiboek
PDF Print E-mail
Image

Ik gie ’t gebiet fan stilte yn:
ûnwêzentlik foar each en ear
stie ûnder beammerigen
in ramp as wie it lang al lyn
dat minsken hjir de deaklap krigen.

Image

Image

It wie gjin dream, ik seach it klear:
it blik ferbûgd as wie ’t papier,
twa tsjillen boppe ’t piipkrûd;
as ’t nedich wie, soe ‘k yn de wear
foar wa’t noch libbe, ’t wie my ynmoed.

It wie gjin film, mar stjerrend wier:
in autobus lei op ‘e kant
mei boppe iepen lûken;
it wie net nedich om yn ’t spier
foar ’t libben, want de deaden spoeken.

Image

Image

Ik gie ’t gebiet fan libben yn,
want wêzentlik foar each en ear
is net de imitaasje;
wat út it aai brekt, is al klear
foar ’t swimmen, klapleas en mei faasje.

Image

admin

Stamper mei oranje

Lyrysk Deiboek
PDF Print E-mail
Image

Hy hat in flinke stamper op,
kin amper op syn poaten stean,
foar him is it oranje boppe,
mei in balkroan op ‘e kop
kin hy it fierste koppe:
goal en stampend fierder gean
mei pineharsens fan wol
tsien vuvuzela’s by it ear
hâldt hy it oant de dea ta fol,
want fuotbal is syn leave hear.

Sy is noch net oan ’t klappen ta
fan ripe siedden yn it rûn,
mar kleuret hast folslein oranje,
moat it fan de stamper ha
en docht it sûnder franje.

Image

Archieven

Zoeken

  • Categorie

  • Datum