Willem Tjerkstra’s thússide

Archive for september, 2017

admin

Willem Einthoven

Skiednisbylden

fan ûnbekend*



Hy wie in man mei hert foar ’t hert,
it sike likegoed as ’t sûne,
want dêrfoar wie hy medikus,
dy’t yngie op in grut ferlet:
in apparaat mei min en plus.

De heit, ek dokter, stoar al ier,
syn byld hold Willem skerp foar eagen,
dus waard er letter medikus,
dy’t fierder seach as ier en spier:
hy sette troch foar fysikus.

Dy kombinaasje wie foar ’t hert
wol sûn: de snaargalvanometer
hat hertslach mei papier ferbûn…
it ECG fersint him net,
al mannich hertkwaal is sa fûn.

De dokterswrâld wie tige wiis
mei ’t apparaat dat mjit de hertslach,
dus joech Nobel syn eigen priis.

* Foto ‘Willem Einthoven en de snaargalvanometer’

admin

Ien dy’t derfoar leard hat

Bibelbylden

fan Vincent van Gogh*

Net dat ik de wet net ken,
in libben lang ha ’k dêrfoar leard,
it gie my inkeld om it hifkjen
fan dy Jezus, sels in bern
wit fan God leafha en de neiste,
mar fierder dan?
Ik tocht, hy soe dêr wol oer wifkje,
want wa is de neiste?

Lykas seach hy my as bern
dy’t harkje moast nei in ferhaal,
sa liet er my syn útlis fiele:
’k moast it mei de eagen sjen
fan Joaden dy’t gjin neiste binne,
doe kaam it dan:
Samaritanen woene diele,
omdat sy it binne.

Dat ferhaal gie troch foar wet;
wylst ik de wetgelearde bin,
fernaam ik dat er my ek hifke,
mar ferjamme, ’t sil sa net!

* Vincent van Gogh (1853-1890)
Skilderij ‘De barmhertige Samaritaan’

 

Archieven

Zoeken

  • Categorie

  • Datum