Willem Tjerkstra’s thússide

Archive for maart, 2017

admin

De lawei

Lyrysk Deiboek

Mei de baas foel net te spotten,
wat as peal stie boppe ’t fjild,
dêr’t feanarbeiders moarns betiid
al hinne setten om te wrotten:
grave, kroadzje, loegje en
ek lade yn de pream of ’t skip…
de baas syn eachopslach wie wiid.

Stadich glieden troch de oeren,
eagen kuerden nei de peal,
heech rizend boppe ’t fjild,
want soe de baas de koer al stjoere
om te skaften? Klear te sjen
wie de lawei no, ja ferhip,
in skoftke mar, want tiid wie jild.

Fleanend giene troch de jierren,
want de tiid hâldt nearne skoft,
mar dochs, dêr stiet noch de lawei
foar skiep dy’t yn de greide rinne,
frettend wurkje, skafte en
ek lizze, foar de mins de tip:
dy kombinaasje troch de dei.

admin

Umberto I yn eigen bloed

Skiednisbylden

fan ûnbekend*



Umberto neamde him de Earste,
kening fan it Itaaljaanske ryk,
syn folk spriek fan de Goede,
fan syn goederjouskens wie ’t in blyk,
hy joech fierwei it measte.

As prins waard hy kaptein yn ’t leger,
joech dêr acht op ’t âlde, dat wie goed,
tradysje krige foarrang;
achte waard er om syn rang en moed,
hy gie troch foar ynteger.

By wettersneed en ierdske skokken,
ek by syktes, lykas goalera,
wie foarst Umberto rêder;
minsklik gie er op it rampfolk ta
en romme mei de brokken.

Hy koe net oer de anargisten,
liet it bloed rij streame yn Milaan,
de oanset foar syn eigen:
Gaetano** wist syn slach te slaan,
gjin anargistskot miste.

* Yllustraasje ‘Umberto I’

** Gaetano Bresci, de moardner

Archieven

Zoeken

  • Categorie

  • Datum