Willem Tjerkstra’s thússide

Archive for februari, 2017

admin

Ik, Herodus

Bibelbylden

fan ûnbekend*



In kening moat de feiten witte,
alles wat der foarfalt yn it lân,
teminsten wat der driget;
ik driigje sels mei hurde hân,
sil dy ek fiele litte.

Dat koe ik net by trije wizen
dy’t it hiene oer in stjer en bern,
in foarst, foar my bedriigjend;
ik liet har gean nei Betlehem,
mar wie wol fan de wize.

Ik ha har wol ûnthjitte litten
om werom te kommen mei wat nijs
oer dy takomstich kening;
grif binne se wer ûnderweis…
ik bliuw der sa mei sitten.

* Yllustraasje ‘Herodus de Grote’

admin

Mei stil waar op ‘e kletter

Skûtsjesilen

Ut it skûtsje-argyf 2004

In twirke, flaachje en ek neat,
de wyn gie leaver lizzen,
wurch fan al dat sinnewaar,
dat op De Lemmer rûn gjin baar
oer ’t strân, wol folk fierhinne bleat,
de skippers hiene neat te sizzen.

Se dreauwen yn de Lemster baai
as lamme wetterfûgels,
alle fjirtjin troch elkoar,
de iene skampte sleau de oar,
se krigen tagelyk de draai,
fan bûten kalm, ynwindich kûgelsk.

Foar ‘Oeral thús’ begûn it bêst,
sels op it Lemster wetter
wie er yn syn elemint,
mar oeral wêr’t ien neaken rint,
wurdt soms de earste alderlêst,
gefoelens reitsje op ’e kletter.

Archieven

Zoeken

  • Categorie

  • Datum